چیخماز قاراداغلی بولاغی؛ نو باشی یاددان

چیخماز قاراداغلی بولاغی؛ نو باشی یاددان

چیر،نول، خیل اوچان ،قوردره،چیرمک داشی یاددان

 

گو گول دره سی ، دم داغی ، شوررار، گودول اوستی

گوز یاشلی گوزه؛ ائل چیمنی؛ دیک باشی یاددان

 

قیش قار کولگی ،قورقا،قووت ،کورسی طویوندا ،

تندیر ،اوجاغی، آیران اشی ،بوز باشی یاددان

 

چرشنبه گونی خونچاموزون نقل و نباتی

ریشته پولویی؛ حوررا؛ خشیل؛ سوت آشی ؛یاددان

 

چیخمیر آنامون خوش گولوشی صحبتی همده

هر دمده اونون آغلاماسی گوز یاشی یاددان

 

چیخمیر آتامون خوش باخیشی سوزلری هچوقت

سیماسی ئوزی آغ باشی پرپشت قاشی یاددان

==============================

                                         توسط:سیامک وابراهیم قبادی

سلام آقای فروغی /واقعا خیلی عالیه/ نهایت تشکر وسپاس

==============================

 

 

خزر نامه

خزريم ،تاج سريم، گوز بصـريم،ائل ديلگي

داغلارين اشك تري ،اولكه مون آغلارببگي

اينجي مرواري دولو، ماوي بلــورين اتگي

عشوه وناز ائله مه اشكيمي نيسان ائله مه

سني الله خــزريم كونلومو آلقان ائله مه

 

خزر اسدير سحرون نازلي سرين يئل لريني

مئشه تا شانه لسون باشدا ياشيــل تئللريني

لاله لر اسديرلر نازيك اولان بئــل لريني

بلبلي قوي قانات آچسين گولي پشمان ائله مه

سنــي الله خــزريم كونلومو آلقان ائله مه

 

 

خــزريم سويله نه جور اجنبي گلدي وطنه؟

قيردي اصلانلاري رحم ائله مه دي پيروزنه

سويله قيرقين گوني ايٌام نه جور كئچدي سنه؟

آخي من سرداشويام سرٌوئي پنهان ائله مه

سني الله خــزريم كونلومو آلقان ائله مه

 

گورمه ديم بوزلاناسان شاختاقيروباغلياسان

دشمنه بوينون اگيب،سيل سيبيلين ياغلياسان

خائيني،ناپاكي،ناجنسي قوناق ساخـلياسان

آرديلا سن بويولوباشقا يول امكان ائله مه

سني الله خــزريم كونلومو آلقان ائله مه

 

خزراي يوردوما ورميش بوگونشلي حياتـي

اي سووارميش قيرآتي،تربيت اتميش بوزآتي

نبي ني،حيدري،ستاري،ئگـــيد آتروپاتي

يول وريب اوزگه لري بيزلره خاقان ائله مه

سني الله خـــزريم كونلومو آلقان ائله مه

 

گون،سحرچيخدي دنيزدن ايشيقين ساچدي سوآ

نوئيــرا،آت هامارا،داش كته چول، كفتراوآ

لاله،رز،قيرميزيگول،ال گوتوروب ائتدي دعا:

كسمه الله گونشـي يايلاقي ظلمان ائله مه

سنـي الله خـزريم كونلومو آلقان ائله مه

 

اليني ور اليمـه ،گزمه ك ائده ك ائل اوباني

گوستريم يايلاقيمي قانلي اوره ك خان چوباني

لنزي ني،دامبالات ي،مسكيني،گويچك روخاني

ســوزومو سالما يره،نازفراوان ائله مه

سني الله خــزريم كونلومو آلقان ائله مه

 

بورا پژنـركيمي اصلان ئگيدين يايلاغيدي

اوراقيرچم لي اوبا ائل داياغي چيـرداغيدي

بيچه نك دير بوراجيران لامارال اولاغيدي

الله هچ جيـراني سن طعمه قافلان ائله مه

سني الله خــزريم كونلومو آلقان ائله مه

 

قانلي يورد دور بو طرف لاله سينون آلقاني وار

قانلي قان چول دوراويان مردئگيدي اصلاني وار

يربه ير قانــدي خدا گورنه جوره دوراني وار

قان دير اولكم داها قان ياغديريب آلقان ائله مه

سني الله خـــــزريم كونلومو آلقان ائله مه

 

هانـي قورقود ده ده چالسين او محبت قوپوزون

مينه آت بورلاخاتون دادينه گتــسون اوروزون

قوغاني ايتگين ائديب باشين اوجالدسين اوغوزون

كولك ائت دشمني بوغ ولكه ده قوغان ائله مه

سني الله خـــــزريم كونلومو آلقان ائله مه

 

هاردا قورقود ده ده ميز تا كي بساط دان آچا سوز

يدي اصـلانلاري‌‌، قيـانلاري، تك گوز،تپه گوز

ياندريب اودلاري توكـــــدو آنالار قلبينه كوز

غاريا سويله خزر: آغلائيب افغان ائله مه

سني الله خــزريم كونلومو آلقان ائله مه

 

قاراجاخان چوبان هارداكي اسيــراولدوقازان

سوپاتين آلسيــن اله نعره چكيب ورسين اذان

يوزجه مين دوشمني قيرسين اله سين مثل خزان

کفره تا بيلديره كي حرب مسلمان ائله مه

سني الله خــزريم كونلومو آلقان ائله مه

 

بئيره ك ائـل ائگيدي اوينادا شير تك بوز آتين

يوخليا بانــــي چيچك قهرمانين زور قواتين

ديرسه خان اوغلو بوغاج سسله ده شمشير آلاتين

ائل اوبا ايچره خدا اصلاني نقصان ائله مه

سني الله خــزريم كونلومو آلقان ائله مه

 

بي بي لي جان بي بي لي داي منيم عمريم قوتولوب

سنه قربان بي بي لي آسيـلي قازانلار آسيلوب

قاراواش امر ائليوب ايتيلـي پوچاقلار ايتيلوب

ايتيلي قانلي پوچاق قسمت جيران ائله مه

سني الله خــزريم كونلومو آلقان ائله مه

 

گلـدي سس دريا ايچيندن:قاراواش آتدي مني

قارا واش آتدي منـــي ناقٌاباليق اوتدي مني

اسماعيل شاه ساچيدي قيويرلانيب دوتدي مني

ائل قيزين انصاف ائله ناقٌادا اسكان ائله مه

سنـي الله خــزريم كونلومو آلقان ائله مه

 

دورارام قيشقيـــرارام دريا كناردان:باجي جان

گولي گولدان باجي جان گوللري خندان باجي جان

گل يتيش داديمه باش كسدي بو سلطان باجي جان

دنيز آچ يول باجي گلسين لپه طوفان ائله مه

سني الله خـــزريم كونلومو آلقان ائله مه

سارائين ياده سالار - خان چوبان- ابيض لچه گين

غم باسار غملـي اوره كدن اوخودار غم توته گين

باخار هــــي يوللارا آغلار دنيز ائيلر اته گين

آغلاديب خان چوباني يعقوب كنعان ائله مه

سني الله خـــزريم كونلومو آلقان ائله مه

 

دورٌام آخشامچاغيلار يوللارا من گوز تيكه رم

سئوگيمين گه لمه گيني باغ خـــيالدا اكه رم

باخارام آفاقا نيسان كـيمي گوز ياش توكه رم

مني مجنون كيمي سرگشته دوران ائله مه

سني الله خــزريم كونلومو آلقان ائله مه

 

قيش گئديب شاختا ئولوب اولـكه لره گلدي بهار

وعده ورميشدي گه له بيزله ره خــردادٌا نيگار

گوز قارالدي باش آغاردي نيه بس گه لمه دي يار

داها يوخ طاقتيم الله بئله ديوان ائله مه

سني الله خـزريم كونلومو آلقان ائله مه

 

قانـ­­­­­ـلي يورد ومدا خزر قيرميزي لاله اكه رم

گونده يوز لـرجه بوبستانيمه گوزياش توكه رم

گزمه گه گه لسه ياريم يول بوئي ريحان سپه رم

آيريليقدان جانا گه لديم داها هجران ائله مه

سني الله خــزريم كونلومو آلقان ائله مه

 

دديلر يازدا خـــزر ياربيزه مهمان گله جك

بيزه مهمان او گـوزل سرو خرامان گله جك

اوبالار گوله نه جك يوردوما ريحان گله جك

ساكت اول همت ائله دالغالي طغيان ائله مه

سني الله خـــزريم كونلومو آلقان ائله مه

 

آرپا چـاي جوشدي آپاردي سارائي ائله دي قان

باتدي باشدان باشا آلقــــانه گوزل دشت مغان

قانلي چاي قوي بي گوروم ائل گلينين گئتمه دايان

يوللاري باغلار خزر چايلاري مهمان ائله مه

سنــــي الله خزريم كونلومو آلقان ائله مه

 

كورچاياسويله خزر:گئتمـــه فرات مكتبينه

گور سويوندان نيه بس ديمه دي سرخاي ديلينه

نه جور انصاف ايله دون چاتدي عدو مطلبينه

قوي سويوندام ايچيله هچ كسي عطشان ائله مه

سنــــي الله خزريم كونلومو آلقان ائله مه

 

پوسگورور داغ قئييه قيشدا طوفان قارلي كوله ك

اوره گيم اودلانير الله چون اولور كوچ كوچره ك

اوبالاردان كوچـر ائل من قالارام قانلي اوره ك

                             گول چيچك لي بهاري قارلي زمستان ائله مه

                                سنــــي الله خزريم كونلومو آلقان ائله مه

 

دوزولوب يوللارا الله گنه ده ائـــل قاطاري

كاروان چالدي جرس ائل اوبالار كوچدو تاري

ساربان قويما گئده كاروان ايـــچره نيگاري

                         چوللره سالما مني بي سروسامان ائله مه

                              سنـي الله خزريم كونلومو آلقان ائله مه

 

 

سنگرم هر گئـجه دوورام خزريلن ياناشي

باخارام يوخليارام هي بو باشي هي اوباشي

توكرم چشمه لريمده ن دنيزه قانلـي ياشي

                               اوروئي گوز ياسيميلان يم عمان ائله مه

                                سنـي الله خزريم كونلومو آلقان ائله مه

 

 

دوستا اسدير نسيمين دوشمنه توك دورجا دولو

كولك ائت طـوفان ائله دالغادا بوغ ساق سولو

گئده جك دوز يولينان آذربايجان اوغـــولو

                     ياشا تاريخ بوئي الطافوئي پنهان ائله مه

                      سنـي الله خزريم كونلومو آلقان ائله مه

                                                                   

                                                                       توسط:دنیادیده حور  

                                        تضمین

باعرض سلام خدمت دوستاران ادبیات آذری و هموطنان ویلکیجی و حور

این چهار بند را تقدیم میکنم به چهار مصرع استاد فروغی

                        آی خزر
آی خزر باخ آنالار دیلده یازانلار سوزینه
گوئیده دامجی گلوب بخیه ویرور یر ئوزینه
قارا پالچیق دا چکور سورمه اول ئوز گوزینه
                         گوندره شیکلینی بیر چایلارا طوفان ایله مه                           «سنی الله خزریم کونلومی القان ایله مه»

داغلارا باخ که سیلور ایندی کی ازگیل آغاجی
فرهادا نامه یازور اولدی شیرینلرده آجی
تندیری،کونده سالوب،گتدی قویوب قاره ساجی
                               قاره تپراقه دونن ازگیلی حیران ایله مه                          «سنی الله خزریم کونلومی القان ایله مه»

میسکینون ایندی دوشوب چوللره تاخدا پاراسی       اورتاچایدان گورونور گندالاشون گوی،قاراسی
هی ویرور بو ئورگه بالتا سسی ، دل یاراسی

                       سسین آلدوقجا ئوزون سنده پریشان ایله مه                         «سنی الله خزریم کونلومی القان ایله مه»

باشوون اوسته دولوب شیرشیرون اول غملی سسیسنی مدهوش ایلیوببیرده بنوشه نفسی
گورمگه ئوز گوزوویچایلاریمون یوخ هوسی
                      سن بیر آز اینصاف ایله جانیمی قربان ایله مه                         «سنی الله خزریم کونلومی القان ایله مه»

مصرع درون گیومه شعر آقای محبت فروغی هست.

یوخ

باري يوخ باغچامیزینِ ؛آلچاسي يوخدور آلـــي يوخ

 يوخ بو ايل قيصي نه آرمود نه گيلاس ؛آلبالي يوخ

باغچه ما امسال بار ندارد نه آلو دارد نه آلوچه

باغم امسال نه قيصي ؛نه گلابي نه گيلاس نه آلبالو بار نياورده است

 

چوخ چاليشدي آري لار كنـــــــــدو ايچنده هيهات

بو گوزل رمكه لر ايچره مومي يوخدور ؛ بالي يوخ

زنبوران عسل امسال در كندوها خيلي تلاش كردند افسوس

در داخل اين شانه هاي زيبا نه مومي وجود دارد نه عسلي

 

قيريلير تاجـــــــلي خروسلار نيه كنديمده بو ايل؟

بو ايلين يوخ آراسي جوجه ؛ تويوغ لان سالي يوخ

امسال چرا در روستايمان خروسهاي تاجدارمي ميرند؟

                                                                         سال جديد با مرغ وجوجه ميانه خوبي ندارد.

 

كنديميزده ن ده كوچوب مشدي آلي معصومي

تا ائده بـــــرنو ونان تولکینی يوخ چاققالي يوخ

آقاي مشهدي اللهوردي معصومي(شكارچي مشهور)نيز از روستا كوچيده است

والا با تفنگ برنوي خودش شغالها را نابود ميكرد

 

بير قارينج روسري اورتوب باشينا كتدي قيزي

نه تومان قالدي نه كوينك نه ده باشدا شالي يوخ

دختران روستايمان امروزه روسري يك وجبي به سر كرده اند

ديگر ازآن لباسهاي محلي وشال گنجه اي خبري نيست

 

دئيره م مير جواد ا بير دعا ياز كنديميزه

اودا كي باشدان ائلير يازماغا هچ احوالي يوخ

به آقا ميرجواد ميگم :يك دعايي براي روستايمان بنويس

او هم به حرفم گوش نميده اصلا حال نوشتن ندارد

==============================

                    توسط:عبداله مهدی نژاد

خدمت اقای فروغی سلام و عرض ادب دارم و بی نهایت تشکر به خاطر شعرهای به یاد ماندنیش که ادمو نسبت به حور با تعصب تر میکنه.خیلی عالی هست

==============================

 

قلم

قلــــــم گوتتوم یازام
                   اوره ك پویماسیــــن
                                  صفحــــــه اوسته 

                                        اوزون قویـــــوب
                                                داملا داملا آغـــــلادی

شعلــــــــــه چكدی 
            
     آلــــــــــودوتدو
                   یاندی شمـــــــــــــــع
                        داغلی قلبه كــــــــــــوز سپركن
                                                             آه تزه دن داغــــــــــلادی

قلــــــم آغلار 
          من آغــــــلارام 

                         شمع آغــــــــــلار
                                گـــــــــــوز یاشیمیز 

                                        سئـــــــــــــل سو اولوب 

                                                  یازما یولون باغــــــــلادی

 

در مدح مولا علی(ع)

 

بسکی کوینده بوقدر عاشق و آواره سی وار    

 دسم الله دی  علی شرعیده کفاره سی وار

 

علی بیر قوس وقزح دیر چکیلیب عرش اوسته 

 گورنه رنگین یاراشان عارض گولناره سی وار

 

 

کیمسه مولانی بنی آدمیلن ائتسه قیاس    

بیل کی مغزینده اونون سا قه  ناکاره سی وار  

 

سنه مدیون دورعلی  یرده بشر گویده ملک  

 نقدر کی فلکین ثابت وسیاره سی وار

 

 

 سن گویرلنمه کی دوققوزقمرین واردی فلک  

       بو ولایت گویونون اون ایکی مهپاره سی وار

 

 

هانسی انسان سوارار  اوز آسیلان دار آغاجین 

   بلی  مولا علینین میثم تماره سی وار

 

 

کوفه  و شام حلب هرنقدر وار نفیسی   

 اوقدر مولا علینون سینه ده یاره سی وار

 

 

 ظلما ارتشینون تانگ و جت و توپ وتفنگ 

 زندانی  تیر باری شاللاقی؛ خمپاره سی وار

 

 

واردی سرداری سپهداری ستمکاره لرین 

  علوی ارتشینین افسرشیر خواره سی وار

 

 

شیعه نون اصلی دی غالب اولاجاق شمشیره قان 

       اودو سنگریرینه خیرداجا گهواره سی وار

               

 

                                          

یاعلی ائیله مدد لبنانا بغداد حلبه   

یمنون گورنه  قدر کشته و آواره سی وار

     

 

نا امید اولما فروغی بو بله تقصیریلن 

چون علی مکتبی وار مشکلاتین چاره سی وار

 

 

 

 

انقلاب شاعریم

 

       

  

                 انقلاب شاعری یم

 

ذوقیم الهام آلیب اول زوزه چکن گولله سسیندن.

  دشمنین دوستاقی ایچره چکیلن میل قفسیندن

 سروقامتلی قیزیل قانه بلنمیش

 شهیدین سون نفسینن .

 انقلاب شاعری یم

 قلمیم قان یازاجاق چون کی اونون چرنیلی قان دی

 "ونُریدُ اَن َنمُن " وارثی یم

عشقیم وطنیم دور

 بیرخبر یوخدواو عشق عا لمینون سوز وتبیندن

 قلمیم یازمیاجاق شوخ گوزلین لعل لبیندن.

 بی تو مهتاب شبیندن

 دفتریمده قارا قاش گوز وسیه تئل یری یوخ

 عاشیقه قاش گوزآتان دختر خوشگل یری یوخ

مرمرین سینه  گوزل  گوز اینجه کمر بئل یری یوخ

 ایلدیریمدان  یازاجاق سیل دن یازاجاق

 "ونُریدُ اَن َنمُن " وارثی ایل دن یازاجاق

 "یار در بر ومی در کف ومعشوق بکام" یازمیاجاق

 رود گلکشت یرینه مصرده نیل دن یازاق

 سد قیریب داغلار آشان بیر قوی سیل دن یازاجاق

  قارا قاش گوز وسیه  تل  یرینه  قدی رعنا  اینجه بل یرینه

 چنلی بئل دن یازاجاق

 نه  دل و دلبره  می وساغر

 

 

روی سنگ قبر مرحوم پدرم

حوردان هرووا زیروه لی داغـــــــلار سنی سسلر

داغلاردا جوشان داشلی بولاغلار سنی سسلر

 

مسکین، که رازدار ،وشـــــــــره، لنزی، کوبین دا ن

یوللاردا گئدن یورغــــــــون ایاغلار سنی سسلر

 

آغلار گوزوم آختاردی بولاغــــــــــلارگوزون ای وای

گوردوم کی سارالمیش او بوداغلار سنی سسلر

 

بوندان سورا گلــــمز سنی تک مرد ئیگیت هيهات

گــــــر مین ده بیر اولسا اودا آغلار سنی سسلر

 

عشــــــق ئولدو یر اوسته،سنیلن گئتدی محبت

آغـــــــــــلار آتاسیز خیردا اوشاغلار سنی سسلر

يوردوموز

يوردوموزدا آشان سئلر

شيرين ديللرگوزل ائللر

اينجه بئللرقـــــارا تئللر

خاطريمده قاطارقاطار

زامان يولون آچارگئدر

ياشيل يايلاقدالا له لـــر

آشيب جوشان شلاله لر

كيپريك آلتا پياله لـــــر

گئچميشيمين ذيروه سينده

دورناكيمين اوچا رگئــــدر

خان ننه مون محبتــــي

شيرينلي دادلي صحبتـي

وفاسي عهدي غيرتـــــي

خياليمـــــه گونش كيمين

گليب ايشيق ساچـــار گئدر

ائل اوبالار آرخا داشــلار

ائگيت وفالي يولداشـــلار

آلاگوزلر قلم قاشـــــــــلار

قوناق كيمين خاطـــريمه

قاچارگلر ناچـــــــار گئدر

قانلي يورد آلقان لاله سي

خان چوبانين ني ناله سـي

گوزده ن آخان شلاله سي

بورولغان تك اوره گيمده

قيويرلانار قاچـــــــار گئدر

اولكه ده كي گوزل باغــــــــــــلار

(قيرچم)( چير)( نول) لي يايلاقلار

سنگر كيمين اوجاداغـــــــــــــــلار

خياليمين باغـــــلاريندا

چيچكلي گول آچار گئدر

(قانلي يورد)(
قيرچم )(چير)(نول) آستاراـ هشتپر آراسيندا واقع اولموش خزر دنيزينه باخار سنگر
داغينين اته گينده واقع اولموش گوزل يايلاقلارديلار

 

قاش باش آغارميش

 

آذربایجانین

 گله جك پارلاق اولدوزو

 گنج شاعيريميز
اميري جنابلارينا جوابيه آديله اتحاف

==============================

 دورموش ساوالان اوزره  قوپوزالده اوزان قاش باش آغارميش
عمرون يل آپارميش

سارهوشلي باخيب گويلره آغ قارتكي بيرچك
ياشلي گوزولن چوخلي زمان يوللاريني
اونلا سوارميش
تل تل اوقارا تللي بولودلار
ورميش گونشون اوستينه
ئورپك
غملي بولودون اوزره ياغيش آتلاري كيشنر
گويلرده گورورلر
شاقيللادي
شمشك
پارلاقلي اودلو يورد
پارلاندي دومان ايچره گونش تك
سارسيملي سازين
آلدي اوزان چالقين الينه
الچكدي سازين غملي تئلينه
سسلتدي سازين سوز گوزه
سين  ايلدي جوشغون
توتقونلي دومانلي اوره گي تئللره وورغون
يالنيزلي
يانيقلي سوزوني گتدي ديلينه
بس هاردادي قورقود
ستاركيمي سرخاي كيمي اصلان
تك اتابك
اولموشدو اوزان ائل اوبيا وورغون ومدهوش
ساز الده سوزو ديلده
قالان دنيا فراموش
گاه ساز مخالف جاليب هر دمده شكسته
گاهدان قاراباغي

گاه ماهور وگاه شور و موافق ديلي بسته
ساز كوكسه ده سوز ديلده او يالنيز
قوجا سارهوش
شاقيللدي شمشك
پارلاقلي اودلو يورد
پاراندي دومانايچرهگونش
تك
هوندورساوالان ذيروه سينه قوند وقارانقوش
آه چكدي اوره كده ن
سوزآچدي
ديلكدن
سس سالدي دره داق قيه ني لرزيه گتي
هي هي قوجامان
يورد
اودلاردايانان يورد

 

تيرديــره گيمده

 

قان ياش توكوب هجرونده گوزومده ببگيمده
قيرميزدي قيزيل لالـــــــــه لريندن اتگيمده

گيتدون گوزليم آتش هحــــرونده آليشديم
شمـــــع تك اريديم سولدوباغيمدا چيچگيمده

آلالــــــــه بيتر قبريمين اوستونده گوررسن
زيراكه منيم دفن اولوب عشقيـــم اوره گيمده

بيلمم بو نه حكمت دي نه سيردى سنه خاطـــر
تيترير جان ائويم لرزه له نير تيرديــره گيمده

حسرت چكيـــــــرم بير سني روياده گوريدم
افسوس كه گلـــيب تنگه ديليمده ديله گيمده

جوشغون اوره گيم صاف سولي بيردرئيا بنــزر
غملر گـــــميسي غرق اولا جاقــدي كولگيمده

قلــــــم

قلــــــم گوتتوم يازام
                   اوره ك پويماسيــــن
                                  صفحــــــه اوسته

                                        اوزون قويـــــوب
                                                داملا داملا آغـــــلادي

شعلــــــــــه چكدي
           
     آلــــــــــودوتدو
                   ياندي شمـــــــــــــــع
                        داغلي قلبه كــــــــــــوز سپركن
                                                             آه تزه دن داغــــــــــلادي

قلــــــم آغلار
          من آغــــــلارام

                         شمع آغــــــــــلار
                                گـــــــــــوز ياشيميز

                                        سئـــــــــــــل سو اولوب

                                                  يازما يولون باغــــــــلادي

 

 

كبوتر سپيد من

 

 سحرگهان كه ميدمد سپيده از كرانه ها
به بوستان چو عندليب كند شروع ترانه ها
كبوتر سپيد من گشوده پر ز لانه ها
بگيرد اوج ز خانه ها

سپيده وسپيدي كبوترم زند شرر به قلب شب پرانه ها
كبوتر سپيد من در انتهاي قله ها
درآن زمان كه ميزندشفق به زلف شانه ها
در آن مكان كه دشت خون
به رنگ سرخ لاله ها                                                   
گرفته آسمان ها
                                       

كبوتر سپيد من رود به قعر آن تموج
كه تا بگيردش وضو
ز چشمه هاي خون ها
كه تا گزاردش نماز
به منبع حلول هور
به مطلع طلوع نور
                      

كبوتر سپيد من پرنده اميد من
بپر بپربه آسمان
به اوجهاي كهكشان
سلام من پيام من
ببر به پيش عرشيان
بگو بگوچرا چنين چرا چنان

 اسير شهوت اين يكي وآن يكي اسير نان
بگو بگو كه اين زمان
مگر بدل شده جهان
نه غيرتي نه همتي
نه ذره اي محبتي
به قلب اين جهانيان
                                    

كبوترسپيد من پرنده اميد من
بگو بگو

 بگو كه در جنوب شهر
چگونه پابرهنه ها
چگونه پور رنج وفقر
به ساز وچنگ مترفين
ورقص وگريه ميكنند
بگو توازشمال شهر
ز آن تمدن چنان
زتجريش و ولي عصر
كز استخوان هموطن
بپانموده كاخ وقصر
تجلي داده بر قصور
ز خون زاده بشر
محاط گل ميان  باغ
قصوري سبز و با جلا
هزار چراغ وچلچراغ
كز هر چراغ رنگي اش
شعاع خون برزگر
ورنگ خون كارگر
اشاعه مي كند به باغ
                         

        

كبوتر سپيد من پرنده اميد من
بگو بگو كه مترفين
زنان و دخترانشان
با بنز و داتسون و بيوك
با انتر جوانشان
با لاك وماتيك ريمل
با عينك سياهشان
هزار طعنه ميزنند
هزار دشنه ميزنند
به قلب كودك یتیم
باعشوه وعتابشان
                                 
                                             

كبوتر سپيد من پرنده اميد من
بيا نشين به بام ما
نشين شنو كلام ما

بگو بگو زدورها
ز سوگها وسورها
از اين كران و ان كران
بگو به من نكن نهان
كه صبح شود شام ما
فلك شود به كام ما
                             

كبوتر سپيد من پرنده اميد من
بزي بزي جاويدان
توئي لواي رفته گان
توئي نواي ماندگان
بپر بپر  به آسمان
به اوجهاي كهكشان
سلام من پيام من
ببر به پيش عرشيان

ده ما

پای آن چشمه حورا بنای ده ماست

چمن و باغ ودرخت منظره های ده ماست

 

پدر از گلشن صحرا به سرور آمد وگفت:

هرچه گل بوته و لاله است برای ده ماست

 

بلبل از وصل گل آمد به سرور نغمه سرود

این صدا مختص او نیست صدای ده ماست

 

 گر به خاک ده حورلاله هزاران بینی

خون صد ها نفر از جان به فدای ده ماست

 

 شرشر چشمه حور زمزمه زندگی است

جنت است ائل چیمنی  آن که به پای ده ماست

 

چیخماز یاددان

 

چیخماز قاراداغلی بولاغی؛ نو باشی یاددان

چیر،نول، خیل اوچان ،قوردره،چیرمک داشی یاددان

 

گو گول دره سی ، دم داغی ، شوررار، گودول اوستی

گوز یاشلی گوزه؛ ائل چیمنی؛ دیک باشی یاددان

 

قیش قار کولگی ،قورقا،قووت ،کورسی طویوندا ،

تندیر ،اوجاغی، آیران اشی ،بوز باشی یاددان

 

چرشنبه گونی خونچاموزون نقل و نباتی

ریشته پولویی؛ حوررا؛ خشیل؛ سوت آشی ؛یاددان

 

چیخمیر آنامون خوش گولوشی صحبتی همده

هر دمده اونون آغلاماسی گوز یاشی یاددان

 

چیخمیر آتامون خوش باخیشی سوزلری هچوقت

سیماسی ئوزی آغ باشی پرپشت قاشی یاددان

 

 

روزیتا

در سوگ روزیتای جوان(نوه مرحوم عمویم)

که در آستارا به علت تصادف جوانمرگ شد

 

  روزیتانون اولوموگلمزیدی هــــــــــچ آغیلا

دوندی افسانیه؛ افسوس کی قوشولدی ناغیلا

اوره گیم یاندی فلک  نظم ونظامون داغیـلا

                                                   پوزولا تشــــکیلاتون چوریله چــرخون دایانا  

                                               آستارا؛ حـــــور مارالین گورنه بویاندیردی قانا

 

رسم دورفصل بهار باغچادا گوللر خول آتار

گوللرون شوقینه بول بول ده گلیب خاره باتار

 گول اگرسول سا؛ یقین بولبولی اندوهه باتار

                                         گورنه حال آل وره جک "میرزارحیم" باغبانا

                                           آستارا؛ حـــور مارالین گورنه بویاندیردی قانا

 

دوندی گون آستارادا  روزگـــاری اولدو قارا

روزیتــــا روزی  اسیری؛ تف اولا روزگارا

ایشتمک کارخانادا؛ایش چکلییبدور گور هارا

                                        سن اولان محلــــه گوریدیم کی قالایدی  ورانا   

                                          آستارا؛ حــــور مارالین گورنه بویاندیردی قانا

 

 

گوردوم  اول اوچ  بالاوئی اوخشایار اون دورد آیینا

دای قولاخ آسمیاجاقلار نــــــنه نــون لای لایـــــــینا

بو یتیم اطفالون الله  قالاجاق کیــــــــــــــــــــم هایینا   

                                       بیلمیــــــرم باش گوتوروبلرگئــــــدجکلر هایانا 

                                        آستارا؛ حـــور مارالین گورنه بویاندیردی قانا

 

کاروان دوشدو یولا کنده  چووش سالدی هارای

گئتدی لاله ایله کتاب؛ فاطــــــما ننم هم روزیتا ی

هانی منصـــــوره دیه آخ بالا وای  آخ بالا وای   

                                        قالمادی صحبت عمیم دن اوجا بوی بیر نشانا

                                         آستارا؛ حــــور مارالین گورنه بویاندیردی قانا

 

یازیمــــــــــــــی بیلمیورم یــازدا وارام یاکی یوخام

اجــــل اذن ورسه اگر؛"سنـــگر"ه بیر یازدا چیخام

ایسته سم داش قایادان  آستـــــــــــاریا  بیرده باخامَ

                                     نجوره یاشـــــــــلی گوزیلـــــه باخارام من اویانا    

                                       آستارا؛ حــــــور مارالین گورنه بویاندیردی قانا

دوده لــر قالخدی گویه ؛ دوشدی آلو دودمانا

اسدی یایلاقلارا مه ؛دوندی" اینـــــانلی" دومانا 

یعنی بیر تازه جوان دوشدی یره ؛باتدی قانا

                                    آستارا؛ حــــــور مارالین گورنه بویاندیردی قانا

27/10/90     لیمیر

قد وقامت

                

.            

                      قد وقامت 

 

سنین کیمین گوزلیم  کیمده قدو قامت اولار

 قیام ایدنده او قامت منـــــــــه قیامت اولار

 

گولیله بولبـــول  ازلدن انیس ومونس دور

 گول اولماسا ِد گوروم بلبل هارداراحت اولار؟

 

حیالی گوزلرویه مـــــــن باخانداآنلاییــــرام

اصیل گوزل باخیشیندا، گوزل  نجابت اولار

قانلی یورت

 

یر اوسته ایستییرم قانلی یورت دیاریم اولا

نه ثروتیم نه مقامیم نه مال نه واریم اولا

 

آغاجلی کش ده دومانلیق باسا چمنزاری

بولاغ اولا من اولام بیرده نازلی یاریم اولا

 

 

باشیم آغاردی قوجالدیم عومور بهاریندا

اینانمیرام داها بوندان سورا بهاریم اولا

 

ورنده جان قوریون سیز یانیمدان اغیاری

من ایستریم باشیم اوسته فقط نگاریم اولا

 

بوداغلی کونلومون همیشه حسرتی بوایدی

گاوول باشیندا  داغ اوسته گوزل مزاریم اولا

 

وطن نسیمی اسنده لاله لربورویر

مزاریمی،چون اگر قانلی یورت دیاریم اولا

 

ترنم ئتسه کوزل لر محبت ین غزلین

امید واریم کی او دنیاده روزکاریم اولا

فریدیم

فریدیم 

 

فریدیم دسته گولوم

ای منیم وارلیقیم؛ عمروم ؛مرادیم؛تکجه امیدیم

بونی سن بیل کی جانیمسان

چیرپینان سینه ده قلبیم

و دامارلاردا قانیمسان

فریدیم جان سنه قربان

یتیشیب  خسته بابون  سون نفسه

یاشایشدا آیاقی چوخ ایلیشیب خاروخسه

الینه باتدی تیکان

اوره گی قیرمیزی قان

سن سوروش هانسی تیکان ؟ ها نسی قا لقان؟

هانسی کولدان ؟

او تیکان کی توخومون اجنبی سپدی  وطنه

اوکولی کی کوکی گلمیش  وطنه مسکوا دان

سینه سی زخمه لیدی  کوکسه سیدی قیرمیزی قان

گوتوررسن بیر اله اسلحه بر الده قلم

سن گئدرسن او یولی کی بیزه قالدی بابالاردان

ایسته سون گر بیله سن؛

سن بویولون ابتدا سین انتهاسین

سوروش هوندور قایالاردان

قانلی یورددان  ؛ خیل اوچاندان

بابامیز سانکی ائدیب سنگری سنگر

 

ایله بیل گولله سسی داش قایادان شیهه چکر

ایلدیریم لار کیمی شیمشک کیمی گویلرده اسر

یوخ اوغول

بیر زامان فیکر ائله مه اولکه ده بایقوش قالاجاق

یا چایان؛ چاققال ؛ایلان؛ اولکه ده خلقی چالاجاق

ولی سن قهرمان اوغلوم بونی بیل

 گئده جک ظلمت شب قالمیاجاق

گنه  بیر گون اولاجاق

 بابامون ساکت اولان برنوئی شاقیلیاجاق

یوخودان خلق اویانیب  یوردومو دیودن آلاجاق

گنه ده گولله سسی داش قاییا سس سالاجاق

قیرچمی  ؛ پژنیری ؛ لاخلاداجاق

بوقارا گونلریمیز وقارانلوق گئجه لر

 گئده جک؛قالمیاجاق

 یوردوموزدا گینه ده گون شاخاجاق

گنه بستانلاریمیز گولله نه جاق

گنه بیر گون اولاجاق

 فره کهلیک لریمیز اولکه ده قاقیلیاجاق

داها  تور اولمیاجاق

 داها  تور اولمیاجاق

 داها  تور اولمیاجاق

                                          دی ماه 1390

شاعر گمنــــــــــــام

دور ایاقه سن گتیر ساقی خوش فرجـــام جــــام

بلکه اول می دن آلام بیردن من ناکــــام کـــــام

 

توکدو رخساره سیه زلفین پریــــــــــوش دلبریم

سردی کونلوم صیدینه اول شوخ سیم اندام؛ دام

 

قاشلاری مصری قلینج کیپریکلری اوخلارکیمین

حمله ائتدی کونلومه چون تیپ خون آشام شـــام

 

اولدی تاریک روزگاریم عمروم اولدو تارومار

قلبیمیزده  قان اولار هرگون بیزه آخشام شام 

 

عشق دور ذره غباری چاتدیران گویده گونه

 اولدوعشقین سایه سینده گور نجور بهرام رام

 

بلی واردی منفعت رسوای شهر اولماقدا گور

آلدی عشقوندن محبت  شاعر گمنــــــــــــام نام

                                          

دیدرگین ائیلمه"حور"دان

لب ونده نقطه خالـــــــون سالیب نه حاله منی

نه حال اولار اگر ائتسون قوناق او خاله منی

 

قاشون خمی کی اوره کلرده قان توکوب خیلی

سالیر گئجه سحرن تک هزار خیالـــــه منی

 

بوقانلی کونلومووصف ائتمه گه دیلیم لال دور

ترحم ائیلر اگر؛ گورسه قانلی لالــــــــه منی

 

یامان دی آیریلیق ؛از بسکی آغلارام گئجه لر

سالیبدی بحـــــــــــــــر بلایه بو آه وناله منی

 

یوخ اعتباری بو چرخـــون وصاله گل؛قیلما

گلن ایلــــــــه ؛آی ا ؛یا هفـــته یه  حواله منی

 

یا سن دو" باغرو"ا گل باغریما باسیم گوزلیم

یا دعوت ائیله آپار سن قوناق "توچال"ه منی

 

"محبت" م گوزلیم مسکنیم اولوب "ویلکیج "

دیدرگین  ائیلمه"حور"دان اوزاق محاله منی

خان باغچاسی

خان باغچاسی قان باغچاسینا دوندو؛ داغیلدی

پروارقویونی اوزگییه یاد گئتدی ساغیلدی

دای طایفا قوهوم تنگه ده داستان دی ناغیلدی

                                       نورممد عمی کارخاناسی یاتدی کی یاتدی

                                          کرکی له اره؛رنده سسی باتدی کی باتدی

 

کهلیک له طوطی محله میزه گلمز وقونماز

کئچدی اوجاقی تنگه میزون بیر داها یانماز

خان باغچاسینین بختی یاتیب بیرده اویانماز

                                 یوخ حاجی مراد؛ تنگه ده درمان سسی گلمیر

                                    سیندی قارا نی لر؛داها نرمان سسی گلمیر

 

یوخ حاج شـکور؛گئتدی اوداستانه قاتیلدی

دفتر حسابون پاره ســــــــی آشغاله آتیلدی

چُرتکیله چَلو؛ داش  َتَرَزی؛ مفته ساتیلدی

                                      بلی حاجی نون خانه سی غمخانیه دوندی

                                          اوچـــدی دکانی گور نجه  ویرانیه دوندی

 

شیرممد ی پیس ویردی قاطیرقانه بلندی

ششبند ائله دی  شیشدی قارین قان سپلندی

غیرتلی خالام گوردی گوزوندن اوزونه سل سو الندی

                                       رحمتلیک آقاملان ظرافت  گئتدی کی گئتدی

                                      بیلمم کی بیزیم محله میزی غملی کیم ائتدی

 

 ==============================

خان باغچاسی: کندیمیزین گونئی طرفینده اولان بیر محله دیر.                                              

نورممد عمی کارخاناسی مرحوم حاجی   نورمحمد دانائی نین نجارخاناسی منظور نظردی.                               

کهلیگ : مرحوم کهلیگ ندائی  آقای احمد آقا ندائی  نین قیزی                                                  

طوطی:مرحوم طوطی مرحوم  احمد رستگارین قیزی                                                              

حاجی مراد:  منظور آسیابمرحوم حاجی مراد ایمانی است                                                       

نرمان:مرحوم نریمان نوری کی خوب نی می نواخت 

شیر ممد: منظور شیرممد اقراری دادماد مرحوم خاله ام است

خالام:  منظورخاله  مرحومهام  زلیخا رستگار  است

چاقو

شرمت از آن دست نشد ای چاقوی صورت سیاه؟

دست او از زخم توخونین گردید آه آه

ای جنایتکار ؛ای خونریز ای چاقوی تیز

گو به من ای ظلمکار آخرچه بود او را گناه

دلبرم بر دل نگیر این زخم آن چاقوی را

گر رسد دستم به چاقو میکنم روزش تباه